Jakina denez, IBILKARI zerbitzua erabiltzaile desberdinez osatua dago, horregatik eta zerbitzuaren onerako, garrantzitsua da erabiltzaile garen guztiok ibilgailuak arduraz eta bestekiko begirunez erabiltzea, denon mesederako izango baita.
Erabiltzaile izendatzeko 25 urtez gorakoa izan beharko duzu, gidatzeko baimena indarrean eduki eta gutxieneko 2 urtetako antzintasuna eskatzen da.
Hasieran 100 €ko berme bat aurreratu beharko da, kontratuaren bukaeran itzulia izango dena.
Erabiltzaile bakoitzak "baimendutako" gidari bat dohainik izandatu ahalko du.
Enpresa jarduera izan ezkero, erabiltzaile bat baino gehiago izandatu ahalko da AKTIBO eta AURRERATUA deitzen diren kontratu motak izan ezkero.
Erregaiaren maila 1/4 neurritik behera baldin badago, depositoa bete beharra izango dezu. Motorra geldi duzula, ibilgailuan dagoen ordenagailuaren zirrikitutik erregai txartela atera dezakezu. Txartela kanportatzean ordenagailuan txartelak duen PIN kodea azalduko zaizu. Txartelarekin depositoa bete eta ordaintzen duzunean, bere hasierako lekura eraman.
Ibilgailuen erabilera desegokia egin ezkero (itzulera ordua atzeratu, ibilgailua zikinik bueltatu, etab) kasu bakoitzeko Erabiltzaileen Gidan azaltzen den gainordain edo errekargu bat erantsiko zaio. Honen bitartez erabilera arduratsu eta beste erabiltzaileekiko begirunez arituko den zerbitzu bat bultzatzea nahi da.